बुधवार, ११ जुलै, २०१८

सुनेचा स्वैपाक (अर्थात एका नव-सासूची कैफियत)

(एक अ-भावगीत*) 

नाही लसणाची फोडणी
नाही जवसाची चटणी
कढी फुळकवणीचे पाणी ||

कशाला न चव-ढव
कशाला ही उठाठेव
झाले हो भाताचे दगड ||

आम्हा आहे चाल-रीत
आम्ही वापरू ग हिंग
जैसा श्रीखंडात रंग ||

अन्नातला भाजीपाला
कच्चा राहिला सगळा
धन्य स्वैपाकाची कळा ||

- बाकीबाई बोरकर (एक नव-सासू)

---
*अभाव-गीत म्हटलं तरी चालेल.

हाच मीटर ढापून बाकीबाब बोरकरांनी नंतर ’नाही पुण्याची मोजणी...’ हे भावगीत लिहिले:  
https://www.aathavanitli-gani.com/Song/Nahi_Punyachi_Mojani

कोणत्याही टिप्पण्‍या नाहीत:

टिप्पणी पोस्ट करा