शुक्रवार, ६ डिसेंबर, २०१९

पिसाळलेला कुत्रा

CallTheDogMad
https://www.entertales.com/ येथून साभार.
त्याने रस्त्यावरच्या कुत्र्याला गोळी घातली
तुमच्या भिवया उंचावल्या,
"पिसाळला होता" तो म्हणाला
तुम्ही त्याला धन्यवाद दिलेत.

त्याने शेजार्‍याच्या कुत्र्याला ठार मारले,
तुम्ही आश्चर्यचकित झालात
"हा ही पिसाळला होता" तो म्हणाला
"हो. असेलच." तुम्ही मनात म्हणालात.

आता त्याने तुमच्या कुत्र्याची हत्या केली
तुम्ही स्तंभित आणि हतबुद्ध झालात.
पण काही बोलू शकला नाहीत...
... त्याच्या हाती बंदूक होती!

मग कसनुसे हसत त्याला म्हणालात,
’पिसाळलाच होता तो"

 - रमताराम

- oOo -

संबंधित लेखन

कोणत्याही टिप्पण्‍या नाहीत:

टिप्पणी पोस्ट करा