गुरुवार, १५ ऑक्टोबर, २०२०

आपुल्या सोयीचे पाहिले म्या डोळां

आपुल्या सोयीचे पाहिले म्या डोळां । 
पाहोनि जाहलो धन्य धन्य ॥

आनंदे दाटले माझे हे सोयरे । 
सर्वांचीही सोय छान झाली ॥

आपुल्या गटाचा अहंकार जपिला । 
त्याच्या योगे जाहला सुकाळ हा ॥

फिटता ही लाज आपपरभावी । 
उरलेली लज्जा दूर झाली ॥

आपुल्यांसि दिला वसतीस ठाव । 
ठेवूनिया अन्य सारे दूरी ॥

मंका म्हणे सारे आपुल्या गटाचे । 
इतरांसि चुना लावताति ॥

- oOo-

1 टिप्पणी: