गुरुवार, २२ ऑक्टोबर, २०२०

नवा भारत म्हणजे...

नवा भारत म्हणजे...
        मोदींची विमानबद्ध स्वनामधन्यता
नवा भारत म्हणजे...
        सैन्याविना लढू पाहणारा कथित नेता

नवा भारत म्हणजे...
        फडणवीसांची ठो:-ठो: नेतागिरी
नवा भारत म्हणजे...
        फेसबुकी आणि ट्विटुंची कोल्हेकुई

नवा भारत म्हणजे...
        अर्णबची भो:-भो: पत्रकारिता
नवा भारत म्हणजे...
        बॉलिवूडची म्यांव-म्यांव लाचारी

नवा भारत म्हणजे...
        कम्युनिस्टांचा ग्रामपंचायत पराभव
नवा भारत म्हणजे...
        समाजवाद्यांची काही न खाता खवखव

नवा भारत म्हणजे...
        उद्धव ठाकरेंचे 'वर्क फ्रॉम होम'
नवा भारत म्हणजे...
        राज ठाकरेंचे नुसतेच नोम-तोम

नवा भारत म्हणजे...
        प्याद्यांची जीवघेणी लढाई
नवा भारत म्हणजे...
        दोन्ही राजांची दिलजमाई

नवा भारत म्हणजे...
        वैज्ञानिक दृष्टीचा दारूण पराजय
नवा भारत म्हणजे...
        झुंडीचा समाज-विवेकावर विजय

नवा भारत म्हणजे...
        द्वेष आणि भेदाभेदाचा महापूर
नवा भारत म्हणजे...
        सुजाणतेचा उडून गेलेला कापूर

- मंदार काळे

-oOo-

कोणत्याही टिप्पण्‍या नाहीत:

टिप्पणी पोस्ट करा