पदवीधरा...

• (एका राज्याच्या मुख्यमंत्र्याने खुद्द पंतप्रधानांची पदवी दाखवावी अशी मागणी केली. त्यावर पंतप्रधानांच्या राज्यातील न्यायालयाने त्या मुख्यमंत्र्याला २५,०००/- चा दंड केला. या अनुभवावरून संगीताचार्य गो. ल. माल यांनी अशा प्रकारची मागणी करणार्‍यांना इशारा देणारे हे पद रचले.)

  

  (देवल मास्तरांची क्षमा मागून...) 
   
  पदवीधरा हा बोध खरा
  जिज्ञासा कबरीं पुरा ॥
  
  संशय खट झोटिंग महा
  देऊ नका त्या, ठाव जरा ॥
  
  ईडीपिडा त्राटिका जशी ।
  कवटाळिल ती, भीती धरा ॥
  
  छिन्नमस्ता* ती बलशाली ।
  आव मानितां, घाव पुरा ॥ 
  
  ---
  * पूर्ण जीभ बाहेर काढलेलं महाकालीचं एक रूप. 
  
  - oOo -
  
  गीत/संगीत गो. ल. माल
  नाटक: संशयलोळ
  चाल: चल झूठे कैसी...