माजी मुख्यमंत्र्याचे खुर्चीस प्रेमपत्र

• 

  https://seenpng.com/ येथून साभार.

  (कविवर्य अनिल यांची क्षमा मागून)
                     
  थकले गं डोळे माझे
  वाट तुझी पाहता
  वाट तुझी पाहता गं
  रात्रंदिन जागता
  
  सुकला गं कंठ माझा
  आरोपां आळविता
  आरोपां आळविता गं
  ध्यान तुझे करिता
  
  सरले गं मित्र माझे
  मजला तू त्यागता
  मजला तू  त्यागता गं
  अन् त्याची* हो जाया
  
  शिणला गं जीव माझा
  तुजविण राहता
  तुजविण राहता गं
  तू नच भेटता
  
  - स्वप्निल (ऊर्फ मंदार काळे)
  
   - oOo -
  
  * सांगा पाहू तो कोण?